අමුතු සතා - (ඔබත් මමත් කොටස්කාරයන් වන අමුතුම අමුතු සතා)

Saturday, April 25, 2009
මේ කතාව අපි පොඩි තැනින්ම පටන්ගමු. අපි හැමෝම හැදිල තියෙන්නේ පුංචි සෛල කෝටි ගණනකින්. මේ එක සෛලයක් ගත්තහම ඒක ආහාර ගන්නවා; අපද්‍රව්‍ය පිටකරනවා; තමන්ගේ වර්ගයේ සෛල පරම්පරාව පවත්වාගන්නවා හා වැදගත්ම දේ ජීවත් වෙනවා. (මේ හැම සෛලයකටම අනෙක් සෛල වලින් තොරව ජීවත් විය හැකිය - සෛලට ජීවත් වීමට අවශ්‍ය සාධක සියල්ල ලැබේ නම්) ඒ වගේම මේ සෛල වලින් නිර්මාණය වී ඇති සත්වයාද සත්වයාගේ පරිමාණයෙන් ගත්කල ආහාර ගන්නවා; අපද්‍රව්‍ය පිටකරනවා; තමන්ගේ පරම්පරාව පවත්වාගන්නවා හා ජීවත් වෙනවා. දැන් අපි මේ කතාව මහා පරිමාණයට ගේමු. දැන් හිතන්න අපි සෛල කියල. එතකොට අපි හැමෝගෙම එකතුවෙන් හැදෙනවා මහා අමුතු සතෙක්. සමාජය කියන සතා! ඌ ආහාර ගන්නවා; අපද්‍රව්‍ය පිටකරනවා; තමන්ගේ පරම්පරාව (සමාජය) පවත්වාගන්නවා හා අපි වගේම ඌත් ජීවත් වෙනවා. අමුතුයි නේද? හරියට නිකං ඇමීබෙක් වගේ මහා විශාල සතෙක්! දැන් මේ සතා ගැන පොඩි විහිලුවක් කියන්නද? මේ සමාජයේ කියන සතාගෙ වැඩිම පරිභෝජනයක් කරන්නේ පාලන බලය තියෙන සෛලනේ (දේසපාලුවෝ හා අනෙක් ධනවත් හා බලවත් උදවිය). ඒක අපිටත් අදාලයි. අපේ ඇ‍ඟෙත් වැඩිම ශක්ති පරිභෝජනයක් කරන්නේ පාලන බලය තියෙන මොළයනේ. අමුතුම අමුතුයි නේද? මේවා හොඳට ගැලපෙනවා නේද? සමාජය කියන්නේ ඇත්තටම පණ තියෙන සතෙක් නේද? (ඕනෙම නම් මේක තව තවත් ඉදිරියට ගෙන යන්නත් පුළුවන්. විවිධ සමාජ සෛල වල එකතුවෙන් සෑදෙන තවත් විශාල සතෙක්. විවිධ සත්ව වර්ග වල සෛල වලින් සෑදෙන මහා ජීවී ජීවියෙක් වශයෙන්.) මේ සතාගෙ තව තව අමුතු වැඩ ගැන විස්තර ඉදිරියේදි බලා‍පොරොත්තු වන්න.

5 ක් වූ ප්‍රතිචාර:

makabaas said...

define life.

ජීවන්ත said...

My definition : life is the natures ultimte product that shows its ability to change by itself. But I think that by giving definitions to everyting makes us stuck in those knowledge(definitions). so it's better to be have an open opinion. Since things can change very drametically in ways we don't know or expect and thats life.

ecH said...

නියම ප්‍රවේශයක්. බොහෝ දේවල් ඔයාගෙ සැසඳීම තුල පැහිදිලි කරගන්න පුළුවන්.

Supun Budhajeewa said...

මේක පට්ට. කළිං හිතුනෙම නැති දෙයක් !!!

-බිன்ku- said...

එළ එළ! කතාව ඇත්ත තමා ඉතින්.

හිතෙන දෙයක් කියල යන්න. . .

Related Posts with Thumbnails